Poem, Untitled (1)

Inta dhimirka waalida
Dhaban dhaabay suuqyada
Inta maanku dheeliyee
aan  wali hugii dhigan

21 Sumaya Mohamed

Inta dhimirka waalida
Dhaban dhaabay suuqyada
Inta maanku dheeliyee
aan  wali hugii dhigan
Inta guri dhex joogtee
Aan cidiba dhaadayn
Inta dhibic yar uun qabee
Lagu dhibayo suuqyada
Inta magac dhibsanaysee
Dhagta loogu ridayuun
Inta ay dhalaan yari
Ka dhaarsheen inuu lado
Intaan dhuuni helinee
Dhawr caano maal qada
Inta dhaxanta jiiftee
Dhulku gogol u yahay uun
Inta dhibicda roobkiyo
Dabayluhu dharkood yahay
Inta dhaqashadoodii
Dibad yaalka laga dhigay
Waxba may dhitaysane
Wali hooy ma dhaadoo
Dhaayaha ma saartoo
Maku dhibay dhibkoodani???


Sumaya Mohamed (Photographer) is an aspiring visual artist currently based in Bosaso, and roaming around Somalia. Her images portray everyday life in the motherland.

Instagram: @svmaya

Naaima Abdi (Author): “Waxaan ku barbaaray dalka Jarmalka, waxaan kusoo noolaa isagana dalka UK, imikana waxaan si rasmi ah u dagnahay Hargeisa, hal-abuurka ama qorida maqaalo iyo maansooyin u badan hogol tusaalayn, waa ii hobby ama maararow, waxaan inta badn ku cabiraa aragtidayda ku waajahan duruufaha kala duwan ee bulshada soo waajaha, sida baahi, xanuun, i.w.m.”

Instagram: @na_poetry

Dibba u Murmi Mayno

Aar na dhagayso oo waa dambiye. Maadaama aanu qofku iskii u dambaabin, miyaanay cadayn marka uu dambaabayo in shookaanta loo hayo?

53 Ikram Ahmed - Untitled Image 2

Axmed, Cali iyo Xamse. Marka la shaahayo wax laga doodo lama waayo.

Kabihii inta uu baalashaystay ayay labadoodiiba Axmed soo raaceen. Maqaaxi kuraastu cuslaysay, dadkuna kuraasta cusleeyeen ayay meel gees ah, saddex kursi u la baxeen. Labaduba inta ay dhanka wadada u jeesteen ayuu Axmed na ka soo horjeestay. Isagu badanaa wadada dhabarka ayuu u jeediyaa. Dhawr jeerna saaxiibadii waxa uu kula taliyay in ay iyaguna ka jeestaan. Laakiin rag dhagaystaba ma yihiin. “Waar naga hor kac niyaw aanu indhaha magaalada u qaybinnee.” Ma iyagaaba boodhka gawaadhida soo doonan lahaa, haddii aanay dan kale u socon.

Inta uu kabbo shaah ah dhuunta mariyay, ayuu cod la wada maqlayo ku yidhi “Acuudubilaah… Waar qoftaa na dambaajisay maxay ahayd, Xamse.” Waligood laba erey isku waafaqay ma aha e, waa kaa jikaar ku bilaabay. “Jaw, marka aad labada indhood inantii dariiqa soo martaba ka dhex saarto ayaad waxaa ku andacootaa. Waa midhkaan kugu dhaamo. Kolay waan kaa dambi yarahay.” Muran qadhaadh baa ka dhex bilaabmay, Axmed na waa isku daawaday. “Oo indhahayaga saw iyadu ma soo doonan, Shaahayagaasaannu iska fiiqsanaynaye.”  “Alla indho adakidaa niyaw, maad iska qiratid sidayda. Hadhowna hoosta ka astaaqfuralaysatid.” Mar dambe ayuu Xamse dhankii Axmed u soo jeestay. “Waar Axmed, xagga diinta adaa nagaga wanaagsane, dee ninkan wax u sheeg.”

“Ar kan naga daa niyaw, iminkuu khudbaddii jimcaha noo soo qadimayaaye.” Cali baa la soo booday. “Ar khudbadda wa…. Ar ninka dhagayso niyaw.”

Axmed iyo Cali baa loo kala baxay, Xamsena maqalka ayuu ugu deeqay.

Horta marka hore qofku iskii dambi ugu ma dhaco. Ileen waa dambiye. Miyaanay dambi ahayn. “Ar dambina ma aha e, ishu baalashka waa isaga baahan tahaye!” Aar na dhagayso oo waa dambiye. Maadaama aanu qofku iskii u dambaabin, miyaanay cadayn marka uu dambaabayo in shookaanta loo hayo. Haa dheh dee. Markaa, marka aad inantaa isha ka baalashaynayso, saw iyana ma cadda in shookaanta laguu hayo. Haa dee, way cad dahay. Sawdigan marka aad il weyn cabbaar kusii eegto la soo boodaya. “Acuudu bilaahi mina shaydaani rajiim.” Intaa miyaanad iskaga eeryin marka aad aragto in uu kula fogaaday. Waar nooga deg gaadhiga oo farsamaysan weeye dee. “Waar adaaba gaadhi kale na saaraye.” Horta i dhigayso dee kuuma dhamayn e. Anigu kaligaa qaladka kuma saarayo. Ragga oo kaliyana ma abbaarayo. Hablaha laftooda qaar badan oo ka mid ah, shookaan baasta iyaba waa loo hayaa.

Waliba iyaga waxoodu shookaanba ma aha e, la taliye khaas ah ayay lee yihiin. Albaabkaa ka bax marka ay is tidhaahdo ayay kusoo xaadiraan baan is idhi, inta kale mooji. “Oo Ileen waa waxan ay la raagaan. Mid baad la balamaysaayoo saacad ka dib xiligii balanta ayay kuu imanaysaa.” Niyaw maad na dhagaysan. “Haa.” Ileen waa la taliye xariif ahe wuxu ugu soo gabogabeeyo miyaad taqaannaa. “May.” Si ay Quruxdaadu u muuqato, barta aad u qurux badan tahay uun, dadka ku walacso. Ilaahayna dee, mid ba meel buu quruxda u galiyaye ma ogtahay. “Haaye adigu maxaad ugu diidaysaa in ay habluhu quruxdooda muujiyaan.” Waar niyaw maad na dhagaysan, quruxda hablaha malaha faderaal la wada lee yahay baad u haysataaye. Marka inantaas uu quruxdeedii banaanka keenay ku soo hormariyo, dee adna waa kaa diirad qaloocda kuu saaray ee ku yidhi indhaha ayaad baalashaynaysaa! “Markaa ma intaas oo kaliya baa.” Maya walaal e, miyaanad maqal ‘wax kastaba isha ayaa macalin ah.’ “Haa.” Dee hadda waa barqo e, immisa habeen ayaad mid ku waydaaratay ka daba kacday. “Tiro ma leh.” Aan kuusii wado e, marka aad ku murantaan xumaha hablahaa u horseeda oo quraarad cadar ah inta ay isku jebiyaan suuqa lugeeya iyo Ragga ayaa indho bahal leh oo hammuun baas qaba, miyaanay u ekayn in dirawalkani inta uu baabuurtiina isku duqeeyay idinka dhex baxay. Haa dheh dee, ha yaabine. Markaa maxaad hablaha qaladka u saari, oo aad isaga reebi. “Waar kan raggaa waalan ku dooodayaa iga daran e.”

Wali ma maqashay qofkaa hebel waa lasoo riday. “Haa, anaaba arkay mid sida falaadha ridan, oo isaga oo aan dhag la qabto lahayn daf kusoo odhanaya, sidii daadkii xaabaale.” Walaal waynu wada ridan nahay hadaba. Masaa’ibtaa inna ridaysa uun aynu iska qabanno. Bes. Dibba u murmi mayno.


Ikram Ahmed (Photographer)

Instagram: @byikramnur

Abdirahman Jazeera (Author): “Waxa aan ku barbaaray magaalooyinka Burco, Berbera iyo Hargeisa. Haddana waxa aan ku noolahay magaalada Boorama. Waxa aan cilmiga shaybaadhka ka bartaa jaamacadda Camuud. Dibba u Murmi Mayno, waa sheekadii u horaysay ee aan qoro.”

Aqwaani

AQWAANO

SHUKRI JANAGALE (Artist) resides in Garowe by way of Toronto, Canada. Since her return to her homeland, Somalia, she has been blessed with a sense of peace. This is the healthiest she has ever felt, spiritually, physically, emotionally and mentally. This nuance of balance has ignited a surge of creativity that Shukri hasn’t experienced since her adolescence. Due to her experiences she has chosen to make Garowe, Somalia her home base. In an attempt to alter the negative perceptions of her country and inspire other diaspora members to return home, Shukri has chosen to challenge her private nature and share her experiences via Instagram and Youtube.  Her Art Work focuses on the abstract human portrait. Due to religious reasons, her paintings are devoid of eyes. The absence of eyes adds another layer of depth to her subjects; it’s as if the void serves as a layer of protection to the windows of the soul. You will find bright contrasting colors and black are reoccurring themes in her work.
Digital portfolio: https://janagale.crevado.com
Instagram: @cushiticqueen